Landhótel í Landsveit er nýtt og glæsilegt hótel mitt í ævintýralandi Rangárþings. Þar er hægt að njóta þess besta sem landið gefur, dekurs og dásemda hótellífs, og einstakrar náttúruupplifunar allt um kring.

Landhótel er fjögurra stjörnu, heillandi og glæsilega hannað sveitahótel með 69 herbergjum og í aðeins einnar stundar akstursfjarlægð frá Reykjavík. Landhótel stendur í ægifagurri Landssveitinni.

 

 

Þaðan er stutt í allar áttir og gaman að njóta dekurs, góðs matar og hvíldar í faðmi hótelsins á milli þess sem náttúra og menningarverðmæti í nágrenninu er skoðuð og stuttar vegalengdir eru til að kanna helstu í íslenska náttúruperlur sem sumarið hefur upp á að bjóða. Landhótel tengir gesti sína vel við einu af helstu náttúruperlum Íslands. Frá hótelinu er víðfemt og mikilfenglegt útsýni til fjalla og jökla. Þar trónir hæst og næst hótelinu eldfjallið tignarlega Hekla, Búrfell er nánast í bakgarðinum og bæði Eyjafjallajökull og Tindfjallajökull eru í návígi og gleðja augað. Á góðum degi sést líka vel til Vestmannaeyja frá efstu hæð hótelsins og þegar norðurljósin æða yfir er það stórfengleg upplifun því engin sjónmengun er í sveitasælunni á Landhóteli. Friðsælt og fagurt sveitalíf er allt í kring. Það tilheyrir sveitakyrrð náttúrunnar að á Landhóteli heyrist ekkert nema niður náttúrunnar.

 

 

Hótelið sjálft státar af fullkominni hljóðvist í öllum vistarverum og hvergi heyrist bergmál. Því geta gestir rætt saman án skarkala eða truflunar frá öðrum, eins og þegar notið er veitinga og afslöppunar í hlýlegum sölum hótelsins. Hótelið er hið glæsilegasta, það byggt úr náttúrulegum efnivið.

Hótelsjórinn, segir okkur að herbergin eru stærri en gengur og gerist; standard herbergi eru frá 23 til 25 fermetrum upp í 30 fermetra fjölskylduherbergi. Öll eru þau búin vönduðum Marriot Standard-rúmum, lúxus-sængurfatnaði og stóru baðherbergi með sturtu. Gott sjónvarp er í öllum herbergjum sem og frítt wi-fi um allt hótelið. Fyrir utan dýrðarlíf á herbergjum Landhótels er hægt að njóta kvöldsólar og kokteila á fallegum hótelbarnum, fara í stórt og gott sánabað og gera vel við sig í mat og drykk á veitingastaðnum.

Hótel tekur líka vel á móti ráðstefnugestum og erum með tvo glæsilega og vel útbúna fundasali, einn fjórtán manna og hinn 60 manna. Þeir nýtast einnig fyrir veisluhald og þá upplagt að njóta veitingastaðarins.
Náttúruperlur eru við hvern fót. Matsalurinn á Landhóteli er stór, bjartur og með stórkostlegt útsýni yfir iðjagrænt og lifandi sveitalíf á bæjunum í kring, sem og eina fegurstu fjallasýn sem um getur. Gestir og gangandi geta komið til að njóta gómsætra og girnilegra rétta á veitingastaðnum okkar og dáðst um leið að stórfenglegri náttúrufegurð landsins.

Hótelið verslar öll aðföng úr nærsveitinni sem tryggir ferskan og góðan mat beint frá bónda. Landhótel er sjálfkjörinn dvalarstaður fyrir fjölskyldur, pör og vinahópa sem vilja njóta íslensks sumars í námunda við angan af nýslegnu grasi og fuglasöng í íslenskri sveit á milli þess sem farið er á milli spennandi áfangastaða í nágrenninu. Frá hótelinu er tilvalið að fara í dagsferð í Landmannalaugar og fyrir þá sem ekki eru með bíl í slíka ferð stoppar rútan við Landhótel á leið sinni í Landmannalaugar og kemur svo með ferðafólk í gistingu til baka yfir nóttina. Þá er stutt í Þjórsárdal og nú þegar nýja göngubrúin kemur yfir Þjórsá eykur það enn á fjölda fagurra og skemmtilegra gönguleiða.
Mikil víðátta er í kringum hótelið, margar gönguleiðir, hjólaleiðir og aðeins spottakorn að fara upp á hálendið í allri sinni dýrð, Á hótelinu koma svo heitir pottar, þeir verða staðsettir á suðursvölum hótelsins.

Landhótel stendur við Landveg í Landsveit.

Covid-19 Update 😷

Because of the coronavirus (Covid-19) outbreak, our in-person services are closed until further notice. You can subscribe to our newsletter below to get regular updates on our availability.